L’autore è nato a Mileto dove attualmente risiede.
Ha compiuto gli studi presso il Liceo Ginnasio "M. Morelli" di
Vibo Valentia conseguendo la Maturità Classica.
Saverio Silipo ha prestato attività lavorativa presso il Ministero del
Lavoro e della Previdenza Sociale, operando in Mileto ed in altri centri calabresi.
Attualmente è in pensione.
Per la sua modesta produzione poetica, ma innanzutitto perché rifugge le competizioni
letterarie, non ha mai partecipato a concorsi, né conseguito lauri.
E’ invece un fervente cristiano, e grazie alla sua fede crede di poter confermare,
giorno dopo giorno, la dignità di uomo veramente libero.
Panta rei
Tornanu i lindanedi quand’è ura
Tornanu i rosi a maju senza menu
Occhìja la stida ‘ncelu quandu scura
Luci lu suli quandu c’è serenu.
Torna l’astati doppu ‘a primavera
‘Nta la ‘mbernata torna friddu e nivi
gialla e addurusa dà ‘nta la costera
hiuri ‘a janestra e cantunu l’agridi.
Non torna ‘mbeci u jornu chi fu ajeri
‘u tempu chi ti scappa ‘nta li mani
non torna l’ura e non ‘nci su maneri
mu fermi ‘u misi, l’annu, li simani
parinu cosi chi non sugnu veri:
oj sì tu, ma ‘natru sì domani!
’A poisia
Quandu assudji tutti ‘i penzeri toj
‘ndi scigghi ‘na vrancata bona, bona
li conzi ‘mpila come mègghju poj
e pisi ogni palora e fai ‘mu sona.
Su ‘sti penzeri gràlimi i ciangìri
su càji chi ti ‘ncàjanu lu cori
su doluri, su ‘ngusci, su suspiri
lamenti c’amu cacci nommu mori
Ogni palora poi chi tu la scrivi
avi la ‘nzinga di lu sangu toj
sugnu pezzi di carni vivi vivi
chi scippi di lu cori e, quandu poi
lestu a lu fundu ‘mpini prestu arrivi
ti penti ca cuntasti ‘i fatti toj.
|
|
|
|
|